Azərbaycan Prezidenti İlham Əliyev Xocalı soyqırımı zamanı qətlə
yetirilmiş soydaşlarımızın əziz xatirəsinin 30-cu ildönümü ilə bağlı, 28 yanvar
2022-ci il tarixli Sərəncam imzalamışdır. Bir çox xarici ölkələrdə də
Xocalı  soyqırımı ilə bağlı tədbirlərin
keçirilməsi nəzərdə tutulmuşdur. Azərbaycan Respublikasının Qeyri-Hökumət
Təşkilatlarına Dövlət Dəstəyi Agentliyinin maliyyə dəstəyi ilə, “Dünya Azərbaycanlıların
Həmrəyliyinə Dəstək”  İctimai Birliyi və
Rusiya Federasiyasının Sankt-Peterburq şəhərində 26 fevral 2022-ci il tarixində
Leninqrad vilayətinin Azərbaycan Milli-Mədəni Muxtariyyəti Regional ictimai təşkilatı
və Sankt-Peterburqdakı “Çinar”Azərbaycan Mədəni Maarif Mərkəzinin təşkilatçılığı
ilə birgə, Sankt-Peterburq şəhərinin Çernışevski küçəsi 11 ünvanında yerləşən,
Rusiya otelnin Ekatiriniski konfrans zalında “Xocalı Genosidinə - Ədalətli
Baxış” mövzusunda tədbir keçirilmişdir. İlk öncə Azərbaycanın dövlət himni səsləndirilmiş
və Xocalı şəhidləri bir dəqiqəlik sükutla yad edilmişdir. Sonra Xocalı faciəsini
əks etdirən qısa metrajlı tarixi video film göstərilmişdir.Tədbiri giriş sözü
ilə açan Leninqrad vilayətinin Azərbaycan Milli-Mədəni Muxtariyyəti Regional
ictimai təşkilatının sədr müavini Könül Abbasova, Xocali faciəsi barədə ətraflı
məlumat verdi. Daha sonra çıxış ücün söz “Dünya Azərbaycanlıların Həmrəyliyinə
Dəstək” İctimai Birliyinin  prezidenti və
“Xocalı Genosidinə - Ədalətli Baxış” layihəsinin rəhbəri, politoloq Tofiq
Əli-zadəyə verildi. T.Əli-zadə layihə barədə danışarkən bildirdi ki, layihənin əsas məqsədi Xocalı Genosidi barədə
xaricdəki soydaşlarımıza geniş məlumat vermək və Xocalı Genosidi zamanı
ermənilərin Azərbaycan xalqına qarşı törətdikləri vəhşiliklər
barədə, Rusiya Federasiyasının Sankt-Peterburq
şəhərində yaşayan soydaşlarımıza və yerli ictimaiyyət numayəndələrinə
məlumat verməkdir. Deyildi ki, son illərdə də haqq səsimizin dünyaya çatdırılması və Xocalı
soyqırımının beynəlxalq aləmdə tanıdılması üçün ötən illər ərzində məqsəd yönlü
fəaliyyət göstərilmişdir. Xocalı soyqırımından törədilməsindən
30 il keçməsinə baxmayaraq, gec-tez bütün qatillər layiqli cəzalarını
alacaqlar. Xocalı soyqırımının əsl
mahiyyəti ümummilli liderimiz Heydər Əliyevin siyasi hakimiyyətə qayıdışından
sonra açıldı və Azərbaycan Respublikasının Milli Məclisinin Xocalı soyqırımına
hüquqi-siyasi qiymət verdiyi diqqətə çatdırıldı. Çıxışlarda
Sankt-Peterburqdakı “Çinar” Azərbaycan Mədəni Maarif Mərkəzinin təsisçisi
və sədri, Xeyransa Mirzoyeva bildirdi ki, ermənilər hələ 1918-ci ildə də bizlərə
qarşı qətilllər törədmişlər və bu gün Azərbaycan tarixinin ən dəhşətli səhifələrindən
biri olan Xocalı soyqırımından artıq, 30 il ötür. 1992-ci il fevralın 25-dən
26-na keçən gecə Ermənistan silahlı qüvvələri beynəlxalq hüququn norma və
prinsiplərini kobudcasına pozaraq keçmiş sovet ordusunun Xankəndidə yerləşən
366-cı alayının iştirakı ilə Xocalı şəhərinə hücum etdi və dinc əhaliyə misli
görünməmiş qəddarlıqla divan tutmuşdu. Sankt-Peterburqdakı
“Çinar” Azərbaycan Mədəni Maarif Mərkəzinin həm 
təsisçisi və sədr müavini Ülviyyə Abbasova da cıxışı zamanı söylədi ki, Xocalı soyqırımı zamanı məhz onlar azərbaycanlı
olduqlarına görə, ağlasığmaz vəhşiliklə qətlə yetirildi, 106 qadın,
63 uşaq, 70 qoca olmaqla 613 şəxs 487 dinc sakin ağır yaralandı, 1275 nəfər
isə girov götürüldü. Xocalı qətliamı Ermənistanın uzun illərdən bəri Azərbaycana
qarşı həyata keçirdiyi planlaşdırılmış etnik təmizləmə və təcavüz siyasətinin tərkib
hissəsi idi. Daha sonra
Sankt-Peterburqda yaşayan məktəb şagirdləri Xocalıya aid kompozisiya ifa
etdiləri. Tədbirdə Azərbaycanın Sank-Peterburqdakı
konsulluğunun əməkdaşı Rəhim Rəhimzadə, Rusiya Sankt-Peterburq Azərbaycanlıları konqresinin sədri, ictimai elmlər
akademiyasınım akademiki, fəlsəfə doktoru, professor Heydər İmanov, Sankt-Peterburqda kı, Naxcıvan cəmiyyətinin sədr müavini
Məmməd Məmmədov, ictimai fəallar Fizuli Cavadzadə, Azad Abbasov çıxışlarında
qeyd etdilər ki, Xocalı
soyqırımının  bir sıra ölkələr tərəfindən
tanınmış və faciəyə beynəlxalq siyasi qiymət verilmişdi. Xocalı Genosidinə
hüquqi qiymət verilməli və bu dəhşətli faciəni törədənlər öz layiqli cəzalarını
almalıdırlar.Azərbaycan xalqı heç bir vaxt Xocalı Genosidini unutmamalıdır.
Sonda Tofiq Əli-zadə bu tədbirin keçirilməsində və təşkilatı məsələlərdə yaxından
köməklik göstərdiklərinə görə, “Çinar”Azərbaycan Mədəni Maarif Mərkəzinin
təsisçisi və sədri Xeyransa Mirzoyeva, Çinar”Azərbaycan Mədəni Maarif Mərkəzinin
sədr müavini Ülviyyə Abbasova, Leninqrad vilayətinin Azərbaycan Milli-Mədəni
Muxtariyyəti Regional ictimai təşkilatının sədr müavini Könül Abbasova və
diaspora fəalı olan Füzuli Cavadzadə, Dünya Azərbaycanlılarının Həmrəyliyi sahəsində
göstərdikləri xidmətlərə görə, “Dünya Azərbaycanlıların Həmrəyliyinə Dəstək” İctimai
Birliyinin Fəxri Fərmanla təltif olundular.